أساسيات الحاسب الالى (ويندوز)

 أساسيات الحاسب الالى (ويندوز)

المادة دى كان زمان اسمها ويندوز وبعدين دمجوا معاها مادة تانية اسمها تكنولوجيا فأصبحت اسمها أساسيات الحاسب الالى والمادة دى نصها عملى ونصها نظرى ،الامتحان بتاعها  36 سؤال حوالى 18 سؤال عملى و18 نظرى فى 45 دقيقة ، أقدر أقولك مادة متوسطة المستوى العملى بتاعها سهل جدا والنظرى متوسط ، تحتاج مذاكرة حوالى يومين كدا ومن المواد الى لازم تدخلها امتحان تجريبى ، لو متعرفش ازاى تدخل تجريبى أنا منزل عندك هنا طريقة الدخول للامتحان التجريبى ،ممكن تدخل المادة دى بال3 واجهات اللى شرحتهم قبل كدا فى منشور مخصص اللى هما عربى واجهة عربى وانجلش واجهة انجلش وعربى واجهة انجلش .

ازاى أنجح فى المادة  دى :

لو هتدخل عربى واجهة عربى زى أغلبية الناس أول حاجة هتعرف المركز وتزاكر السلسة دى كاملة صدقنى مش هيخرج منها سؤال 👇

https://www.youtube.com/watch?v=oM7T25Y83SM&list=PL02NhKT84RvV7BZleOAKJyAi0oSBY4NqS

و لو هتدخل عربى واجهة انجلش هتعرف المركز وتزاكر السلسة دى كاملة صدقنى مش هيخرج منها سؤال بردو 👇

https://www.youtube.com/watch?v=W2o01Ni9Rms&list=PL02NhKT84RvXuW8qhREsxa4DvK3iTsVEY

الكلام اللى فوق ده لو انت هتمتحن على ويندوز 7 واغلبية المراكز بتمتحن على 7 طيب افرض المركز قالك انك  

هتمتحن المادة دى  ويندوز 10 عشان احنا جددنا الاجهزة خلاص مفيش مشكلة انا منزل شرحه على القناة وهتزاكر اللينك دا 👇

 

https://www.youtube.com/watch?v=YwyRH9Wt4vM&list=PL02NhKT84RvWJ3fgQ6z45v_ItDx9oM-j6

   

وده كمان ال PDF بتاع الجزء النظرى مهم جدا تزاكره وده ثابت على سواء بتمتحن ويندوز 7 او 10 واجهة عربى او انجلش  👇

https://drive.google.com/file/d/1PKtuL7keafZQSyjR1BzNChS2CzcIzekD/view

ده كل اللى اقدر افيدك بيه فى المادة دى أهم حاجة متنساش تسأل المركز انا همتحن على ويندوز ايه وتقوله انت هتدخل تمتحن على واجهة ايه وان شاء الله لو زاكرت كل اللى فوق دا مش هتقل عن 97 % ان شاء الله وهتخرج  تدعيلى 

ملاحظات هامة : -

1- لازم تدخل تجريبى وتجرب بنفسك فى المادة دى عشان تضمن النجاح

2- لو مش متاح تدخل تجريبى يبقى لازم تضاعف مذاكرتك وبردو هتكون مجازفة

3- متنساش تسأل المركز بتاعك انا همتحن على ويندوز 7 ولا 10

4-- شوف سلسة الفيدويهات كاملة لانها شاملة الاسئلة الجديدة  عشان تضمن النجاح 

6- لو معندكش وقت شوف الاسئلة بتاعة التجريبى بس وزاكرها كويس وبردو هتكون مجازفة

7- ميزة انك تشوف الشرح ان حتى لو جالك سؤال جديد فبتكون انت بالفعل شوفت الشرح فهتعرف تجاوب

مستنى دعوتك 💙