أساسيات الانترنت

  أساسيات الانترنت 

 المادة دى هى رابع مادة تدخلها بعد مادة التعاون والتكنولوجيا واساسيات الحاسب لو انت بتمتحن تيتشر ومادة من المواد اللى لو زاكرتها كويس هتنجح فيها بسهولة طبعا مع دخول الامتحان التجريبى بتاعها ، فيها جزء عملى وجزء نظرى لكن العملى بيكون أكتر نوعا ما من النظرى ،الامتحان بتاعها  36 سؤال حوالى 22 سؤال عملى و14 نظرى فى 45 دقيقة ، أقدر أقولك مادة متوسطة المستوى العملى بتاعها محتاج تجربه  والنظرى انا منزل 30 سوال مش هيخرج منه الامتحان ، بتحتاج مذاكرة حوالى يومين كدا ومن المواد الى لازم تدخلها امتحان تجريبى زى ما قولت  ، لو متعرفش ازاى تدخل تجريبى أنا منزل عندك هنا طريقة الدخول للامتحان التجريبى ،ممكن تدخل المادة دى بواجهتين بس اللى هما عربى واجهة عربى يا انجليزى واجهة انجليزى مفيش النوع التالت .

ازاى أنجح فى المادة  دى :

 تزاكر السلسة دى كاملة صدقنى مش هيخرج منها سؤال 👇

https://www.youtube.com/watch?v=AStfjW5-pt0&list=PL02NhKT84RvXVRJWB3YKxISqC-CE2Dqf_

ده كل اللى اقدر افيدك بيه فى المادة دى ، الفيديوهات لو كتير شوية ممكن بلاش شرح النظرى وشوف ال 30 سؤال مع دخولك الامتحان التجريبى اللى اللينك بتاعه هضيفه تحت هنا وان شاء الله لو زاكرت كل اللى فوق دا مش   هتقل عن 97 % ان شاء الله وهتخرج  تدعيلى 

لينك الامتحان النظرى :-

https://docs.google.com/forms/d/e/1FAIpQLScTiW19hefc6Ptu72WKyMymNslDKScSmsADV7YXhAwh1d9kkQ/viewform

ملاحظات هامة : -

1- لازم تدخل تجريبى وتجرب بنفسك فى المادة دى عشان تضمن النجاح

2- لو مش متاح تدخل تجريبى يبقى لازم تضاعف مذاكرتك وبردو هتكون مجازفة 

3- شوف السلسة كاملة عشان تضمن النجاح 

4- لو معندكش وقت شوف الاسئلة بتاعة التجريبى بس وزاكرها كويس وبردو هتكون مجازفة

5- ميزة انك تشوف الشرح ان حتى لو جالك سؤال جديد فبتكون انت بالفعل شوفت الشرح فهتعرف تجاوب

6- حاول تكتب انجليزى كتير لانك هتحتاج تكتب أسماء المواقع  فى الامتحان 

7- مش محتاج ال PDF فى حاجة لان النظرى مش هيخرج برا ال 30 سؤال 

مستنى دعوتك 💙