هل يوجد مدة محددة اخلص فيها الشهادة بتاعتى ؟
لاء طبعا انت بتخلص الامتحانات فى المادة اللى انت تقدر عليها ، حتى لو حصل لك مشاكل وظروف وقطعت الامتحانات ، تقدر ترجع تكمل تانى فى اى وقت حتى لو بعد سنين ، فى ناس قعدت 10 سنوات وبترجع تكمل تانى طالما انت بتمتحن امتحان دولى ولك اسكيل كارد خاص بيك ، فمتخليش حد يضحك عليك ويقولك ان لازم تبدأ من الاول ، لأ ان تقدر تكمل على امتحاناتك حتى لو فى مركز تانى بس المركز التانى بيطلب منك تدفع رسوم بسيطة على كل مادة .
وبالتوفيق يارب 💙
ازاى اعرف الشهادة بتاعتى معتمدة ودولية ولا لاء
للاسف معظم الناس بتقع ضحية لمراكز وهمية ، بتوعدك انها هتجبلك شهادة دولية او معتمدة من ICDL ولكن للاسف بتقبل أشى شهادة كدا وخلاص وبيقولك انها دولية ومعتمدة ، طب ازاى اعرف الشهادة بتاعتى معتمدة ودولية ولا لا ء ؟
- مش معنى انها مختومة انها دولية ، لاء مش شرط لازم تدخل رقم الاسكيل كارد الموجود تحت فى اسفل الشهادة اللى تحت خالص دا على الموقع اللى هسيبلك اللينك بتاعه تحت ، لو جاب بيانات الشهادة يبقى معتمدة ، ولو قالك ملهاش اى بيانات يبقى غير معتمدة لان فى ناس للاسف بتنزور شكل الشهادة .
ده اللينك اللى تدخل عليه عشان تتحقق من شهادتك 👇
https://icdlarabia.org/Ar/verify
وبالتوفيق يارب 💙
أقرب مركز معتمد دولى فى محافظتك تمتحن عنده ICDL
اوعى تروح تحجز الاختبارات فى مركز مش من المراكز اللى موجودة فى اللينك اللى تحت دا ، لان دى المراكز بس المعتمدة من ICDL والمسموح ليها باختبارالطلبة واعطاء الشهادة .
كل اللى عليك تعمله انك تفتح اللينك دا 👇 وتختار البلد والمحافظة وهيقولك كل المراكز المعتمدة اللى فى محافظتك
وكمان العنوان بتاعهم فين
https://icdlarabia.org/Ar/find-centre
وبالتوفيق يارب 💙
جميع كتب icdl teacher بصيغة ال PDF
ناس كتير جدا بتحب تزاكر من الكتب ، فلو أنت من الناس دى فهتلاقى تحت هنا جميع كتب الكورس بصيغة ال PDF ، ولكن أنصحك نصيحة بلاش تزاكر المواد العملي PDF ، زاكر المواد النظرى بس لو عندك وقت من الكتب والمادة النظري الوحيدة هى الأمن السيبرانى للمعلم ، يليها مادة التكنولوجيا الى أغلبها نظرى .
لينك تحميل الكتب :-
https://drive.google.com/drive/folders/1CICiw0QQe9l_k-Pq3vkSktfFRPhe2Cvq
وبالتوفيق يارب 💙
تعريب الاوفيس (تحويل واجهة برامج الاوفيس الى اللغة العربية )
المقصود بتعريب برامج الاوفيس يعنى تحويل النسخة من اللغة الانجليزية الى اللغة العربية يعنى بدل ما برامج الورد والاكسل والباور تفتح تلاقيهم انجليزى يعنى الاوامر كلها انجليزى لاء انت عاوز تخلى الاوامر والقوايم دى عربى يعنى بدل ما تفتح تلاقى مكتوب FILE تفتح تلاقى مكتوب ملف وهكذا مع باقى القوايم .
ازاى اعرب برامج الاوفيس بقى ؟ :
اول حاجة هتفتح اى برنامج من برامج الاوفيس من جهازك سواء ورد او اكسل او غيره ، وبعدين تيجى من تبويب file وبعدين تختار advanced ومنه هتلاقى حاجة اسمها language ، هتلاقى فى الجنب حاجة اسمها Display language والمفروض هتلاقى Arabic و English زى اللى فى الصورة دى ، هتقف على Arabic ومن الجنب هتختار move up لحد ما تكون هى الاولى ، هيطلب منك تعيد تشغيل البرنامج ، هتقفل وتفتح هتلاقى البرنامج بقى عربى .
https://www.youtube.com/watch?v=LPXuqzLX9yQ
وبالتوفيق يارب 💙
تعريب الويندوز (تحويل واجهة الويندوز الى اللغة العربية )
المقصود بتعريب الواجهة يعنى تحويل النسخة من اللغة الانجليزية الى اللغة العربية يعنى لما تضغط كلك يمين وتيجى تختار الاوامر تيجى عربى زى عرض وفرز بدل view و sort by .
ازاى اعرب النسخة بقى ؟ :
اول حاجة هتفتح اللينك دا 👇 وتضغط على كلمة download اللى باللون الاخضر
https://vistalizator.en.uptodown.com/windows/download
هينزل عندك برنامج هتلاقيه داخل مجلد ال downloads اللى جوا داخل my computer ، هتضغط عليه وتفتح البرنامج دا وتقوله run هيفتح معاك البرنامج بالشكل دا
https://www.youtube.com/watch?v=LPXuqzLX9yQ
وبالتوفيق يارب 💙
ايه المواد اللى ممكن ادخلها مع بعض ؟
بص أنا عن نفسى مش بفضل أنك تدخل مادتين أو أكتر مع بعض ، الا لو أنت مستعجل ومحتاج تخلص الشهادة فى أقرب وقت وبالتالى لو هتدخل اتنين مع بعض فانت محتاج مذاكرة قوية جدا مع دخول تجريبى .
أسماء المواد اللى أدخلها مع بعض :
- التعاون مع التكنولوجيا
- اساسيات الحاسب مع اساسيات الانترنت
- ورد مع باور
- اكسل مع طباعة
- الامن السيبرانى للمعلم
هل كل المراكز هتوافق بدخول امتحانين مع بعض :
لاء مش كل المراكز بتوافق ، لازم تاخد موافقة المركز الاول عشان يسمحلك تمتحن أكتر من مادة فى نفس اليوم
وبالتوفيق يارب 💙
الطباعة وإدخال البيانات
تعتبر مش مادة هو عبارة عن اختبار لسرعة ودقة الكتابة بتاعتك ، يعنى النتيجة بتكون كتبت كام كلمة والدقة كام ، مفيش رسوب في المادى دى بس خد بالك انها بتتكتب فى الشهادة فى الاخر ، فعشان كدا يفضل تجيب درجة كويسة فيها .
ازاى اجيب درجة كويسة فى اختبار الطباعة
ادخل على الموقع دا 👇 واتدرب عليه كتير لحد ما تكتب أكتر من 10 كلمات صح فى الدقيقة مع دقة فوق ال 90
https://10fastfingers.com/typing-test/arabic
الامتحان منه عربى ومنه انجلش ، بتختار اللى انت عاوزه واللغة اللى انت بتكتب بيها أسرع
ولمعرفة شكل الامتحان من خلال الفيديو دا 👇
https://www.youtube.com/watch?v=CwPCPCRRaAs
ايه الرموز اللى ممكن تجيلى فى امتحان العربى :
متقلقش مش هيجيلك تشكيل خد بالك بس من التنوين اللى هو عبارة عن زار شيفت مع حرف ص والشدة
شيفت مع حرف ذ والاقواس مثلا شيفت مع 0 وشيفت مع 9 ، والفصلة شيفت مع حرف ن . مش هيجيلك حاجة تانية
ملاحظات هامة :
الدرجة القليلة أقل من 10
الدرجة المتوسطة من 10 إلى 15
الدرجة العالية من 1 الى ال 20 او اكتر
لو دخلت الامتحان ولقدر الله جبت درجة مش كويسة عادى مش هتفرق فى حاجة معاك .
وبالتوفيق يارب 💙
أمن المعلومات للمعلم
المادة دى دايما بخليها فى الاخر خالص مش عشان صعبة ، بالعكس ده من أسهل المواد فى المحتوى ، وكمان كلها نظرى لكن المشكلة فى امتحانها ، منها حوالى 4 نماذج امتحانات ، وانت وحظك فى الامتحان يا يجيلك نماذج من اللى منزلها عندى على القناة يا يجيلك النموذج الوحيد اللى لسه مش نزلته وده محتاج عشان تحله تكون شايف فيديوهات الشرح كويس جدا وقارئ الملخص ويفضل تكون قارئ كمان الكتاب ، الأمن دا ممكن تدخل تحل الامتحان فى عشر دقايق وممكن لقدر الله تدخله خمس مرات ، أنت وحظك أنت ونصيب ، طيب أعمل ايه عشان أضمن النجاح فى المادة دى بص يا سيدى على اللينكات اللى تحت دى :
اولا : ده شرح سلسة الامن كله بجميع النماذ اللى قولت عليهم حوالى 7 فيديوهات 👇
https://www.youtube.com/watch?v=cntTi8Duasg&list=PL02NhKT84RvWdGFTAc1vNy7eT536_mUy2
وده لينك pdf بتاع ملخص الكتاب اللى أنا بشرح منه 👇
https://drive.google.com/file/d/14zYHu9euZYr3NyX5Tvyks6sHyo0e4-o_/view
وده ملخص تانى PDF جميل جدا أحد الطلاب عامله بخط الأيد 👇
وده لينك ال pdf بتاع كتاب الامن اللى هو يفضل لو عند وقت تقرأ الكتاب دا 👇
https://drive.google.com/file/d/1778d5hHGpyUeWtAMvValamn_XWeexY87/view
خلصت مزاكرة خلاص فاضل تدخل تمتحن بنفسك وتشوف نتيجتك ايه ، ده امتحان تقدر تفتحه من موبايلك او كمبيوتر على الجزء النظرى والنتيجة هتطلع فى الاخر 👇
https://docs.google.com/forms/d/e/1FAIpQLSc-23PprrzFlgIaaFcAOKwguHezaTtXdDgHX-lzSwNT59IaSw/viewform
ان شاء الله لو زاكرت كل اللى فوق ده كويس جدا مش هتقل فى الامتحان عن 97% وهتخرج تدعيلي بعد الامتحان وممكن تحجز كمان مع الامن امتحان الطباعة لانه سهل جدا وعبارة عن كتابة بس وهنزل مقالة عنه بالتفصيل ،،،
مستنى دعوتك :) 💙
مادة برنامج الإكسل
دى سابع مادة تدخلها امتحان التيتشر بعد التعاون والتكنولوجيا واساسيات الحاسب الالى وأساسيات الانترنت والورد والباور ،المادة دى كلها عملى وفيها حوالى بس سؤالين او تلاتة نظري، الاكسل هو أصعب مادة عملي ممكن تدخلها ولازم تدرب عملى كتير على جهازك وتعمل الجدول اللى انا عملته فى الشرح وتمشى معايا خطوة خطوة ، لازم تدخل تجريبى بالذات فى المادة دى ومتدخلش الامتحان النهائي غير وانت على الاقل معدى ال 90 % لان كلها عملى والامتحان بتاعها 36 سؤال منها حوالى 34عملى 2نظرى فى 45 دقيقة، نسبة النجاح فى المادة دى كبيرة لو انت دخلت تجريبى وجبت فيه درجة عالية ا لأن الامتحان غالبا شبه أسئلة التجريبى والأسئلة اللى منزلها عندى على القناة ، ، لو متعرفش ازاى تدخل تجريبى أنا منزل عندك هنا طريقة الدخول للامتحان التجريبى ،ممكن تدخل المادة دى بال3 واجهات اللى شرحتهم قبل كدا فى منشور مخصص اللى هما عربى واجهة عربى وانجلش واجهة انجلش وعربى واجهة انجلش .
ازاى أنجح فى المادة دى :
لو هتدخل عربى واجهة عربى زى أغلبية الناس أول حاجة هتعرف المركز وتزاكر السلسة دى كاملة صدقنى مش هيخرج منها سؤال 👇
https://www.youtube.com/watch?v=_zAygV4Qiwg&list=PL02NhKT84RvXgj7jUhq6blEi6s6qHz2t0
و لو هتدخل عربى واجهة انجلش هتعرف المركز وتزاكر السلسة دى كاملة صدقنى مش هيخرج منها سؤال بردو 👇
https://www.youtube.com/watch?v=jmP6Cm3nEs8&list=PL02NhKT84RvXwEPvg-8sWY-Qcp_PfWINK
الكلام اللى فوق ده لو انت هتمتحن على اكسل 2010 واغلبية المراكز بتمتحن على 2010 طيب افرض المركز قالك انك هتمتحن المادة دى على اكسل 2016 عشان احنا جددنا الاجهزة خلاص مفيش مشكلة انا منزل شرحه على القناة وهتزاكر اللينك دا لو واجهة انجليزى مع نفس تجريبى بتاع 2010 عادى وعلى فكرة مفيش اختلاف كبير اصلا👇
مادة برنامج الباور بوينت
دى سادس مادة تدخلها امتحان التيتشر بعد التعاون والتكنولوجيا واساسيات الحاسب الالى وأساسيات الانترنت والورد ،المادة دى كلها عملى وفيها حوالى بس 6 أسئلة نظرى ، لازم تطبق على الجهاز فى المادة دى بالذات مثل الورد لان كلها عملى والامتحان بتاعها 36 سؤال منها حوالى 33 عملى و3 نظرى فى 45 دقيقة، نسبة النجاح فى المادة دى كبيرة جدا لأن الامتحان غالبا شبه أسئلة التجريبى والأسئلة اللى منزلها عندى على القناة ،ودى من المواد اللى لازم تدخل فيها امتحان تجريبى ، لو متعرفش ازاى تدخل تجريبى أنا منزل عندك هنا طريقة الدخول للامتحان التجريبى ،ممكن تدخل المادة دى بال3 واجهات اللى شرحتهم قبل كدا فى منشور مخصص اللى هما عربى واجهة عربى وانجلش واجهة انجلش وعربى واجهة انجلش .
ازاى أنجح فى المادة دى :
لو هتدخل عربى واجهة عربى زى أغلبية الناس أول حاجة هتعرف المركز وتزاكر السلسة دى كاملة صدقنى مش هيخرج منها سؤال 👇
https://www.youtube.com/watch?v=I90z1Y30Y1A&list=PL02NhKT84RvW_0XMkXxIQFTvY3t_pc2a4
و لو هتدخل عربى واجهة انجلش هتعرف المركز وتزاكر السلسة دى كاملة صدقنى مش هيخرج منها سؤال بردو 👇
https://www.youtube.com/watch?v=6FghfnYj0ro&list=PL02NhKT84RvVIG_MUy5Npuqw25amCJqpQ
الكلام اللى فوق ده لو انت هتمتحن على باور 2010 واغلبية المراكز بتمتحن على 2010 طيب افرض المركز قالك انك هتمتحن المادة دى باور 2016 عشان احنا جددنا الاجهزة خلاص مفيش مشكلة انا منزل شرحه على القناة وهتزاكر اللينك دا لو واجهة انجليزى مع نفس تجريبى بتاع 2016 عادى وعلى فكرة مفيش اختلاف كبير اصلا👇
أساسيات الانترنت
المادة دى هى رابع مادة تدخلها بعد مادة التعاون والتكنولوجيا واساسيات الحاسب لو انت بتمتحن تيتشر ومادة من المواد اللى لو زاكرتها كويس هتنجح فيها بسهولة طبعا مع دخول الامتحان التجريبى بتاعها ، فيها جزء عملى وجزء نظرى لكن العملى بيكون أكتر نوعا ما من النظرى ،الامتحان بتاعها 36 سؤال حوالى 22 سؤال عملى و14 نظرى فى 45 دقيقة ، أقدر أقولك مادة متوسطة المستوى العملى بتاعها محتاج تجربه والنظرى انا منزل 30 سوال مش هيخرج منه الامتحان ، بتحتاج مذاكرة حوالى يومين كدا ومن المواد الى لازم تدخلها امتحان تجريبى زى ما قولت ، لو متعرفش ازاى تدخل تجريبى أنا منزل عندك هنا طريقة الدخول للامتحان التجريبى ،ممكن تدخل المادة دى بواجهتين بس اللى هما عربى واجهة عربى يا انجليزى واجهة انجليزى مفيش النوع التالت .
ازاى أنجح فى المادة دى :
تزاكر السلسة دى كاملة صدقنى مش هيخرج منها سؤال 👇
https://www.youtube.com/watch?v=AStfjW5-pt0&list=PL02NhKT84RvXVRJWB3YKxISqC-CE2Dqf_
مادة برنامج الورد (معالج النصوص)
دى خامس مادة تدخلها امتحان التيتشر بعد التعاون والتكنولوجيا واساسيات الحاسب الالى وأساسيات الانترنت،المادة دى كلها عملى وفيها حوالى بس 5 أسئلة نظرى أو أقل انا هقولك عليهم ، لازم تطبق على الجهاز فى المادة دى بالذات لان كلها عملى والامتحان بتاعها 36 سؤال منها حوالى 33 عملى و3 نظرى فى 45 دقيقة، نسبة النجاح فى المادة دى كبيرة جدا لأن الامتحان غالبا شبه أسئلة التجريبى والأسئلة اللى منزلها عندى على القناة ،ودى من المواد اللى لازم تدخل فيها امتحان تجريبى ، لو متعرفش ازاى تدخل تجريبى أنا منزل عندك هنا طريقة الدخول للامتحان التجريبى ،ممكن تدخل المادة دى بال3 واجهات اللى شرحتهم قبل كدا فى منشور مخصص اللى هما عربى واجهة عربى وانجلش واجهة انجلش وعربى واجهة انجلش .
ازاى أنجح فى المادة دى :
لو هتدخل عربى واجهة عربى زى أغلبية الناس أول حاجة هتعرف المركز وتزاكر السلسة دى كاملة صدقنى مش هيخرج منها سؤال 👇
https://www.youtube.com/watch?v=6eFGOs0dqOA&list=PL02NhKT84RvU5lO4gTSjzExayVutSUmj-
و لو هتدخل عربى واجهة انجلش هتعرف المركز وتزاكر السلسة دى كاملة صدقنى مش هيخرج منها سؤال بردو 👇
https://www.youtube.com/watch?v=_JCtlh3gCKU&list=PL02NhKT84RvU_ujS9uRHggcvadGjqPsrz
الكلام اللى فوق ده لو انت هتمتحن على ورد 2010 واغلبية المراكز بتمتحن على 2010 طيب افرض المركز قالك انك هتمتحن المادة دى ورد 2016 عشان احنا جددنا الاجهزة خلاص مفيش مشكلة انا منزل شرحه على القناة وهتزاكر اللينك دا لو واجهة انجليزى مع نفس تجريبى بتاع 2010 عادى وعلى فكرة مفيش اختلاف كبير اصلا👇
أساسيات الحاسب الالى (ويندوز)
المادة دى كان زمان اسمها ويندوز وبعدين دمجوا معاها مادة تانية اسمها تكنولوجيا فأصبحت اسمها أساسيات الحاسب الالى والمادة دى نصها عملى ونصها نظرى ،الامتحان بتاعها 36 سؤال حوالى 18 سؤال عملى و18 نظرى فى 45 دقيقة ، أقدر أقولك مادة متوسطة المستوى العملى بتاعها سهل جدا والنظرى متوسط ، تحتاج مذاكرة حوالى يومين كدا ومن المواد الى لازم تدخلها امتحان تجريبى ، لو متعرفش ازاى تدخل تجريبى أنا منزل عندك هنا طريقة الدخول للامتحان التجريبى ،ممكن تدخل المادة دى بال3 واجهات اللى شرحتهم قبل كدا فى منشور مخصص اللى هما عربى واجهة عربى وانجلش واجهة انجلش وعربى واجهة انجلش .
ازاى أنجح فى المادة دى :
لو هتدخل عربى واجهة عربى زى أغلبية الناس أول حاجة هتعرف المركز وتزاكر السلسة دى كاملة صدقنى مش هيخرج منها سؤال 👇
https://www.youtube.com/watch?v=oM7T25Y83SM&list=PL02NhKT84RvV7BZleOAKJyAi0oSBY4NqS
و لو هتدخل عربى واجهة انجلش هتعرف المركز وتزاكر السلسة دى كاملة صدقنى مش هيخرج منها سؤال بردو 👇
https://www.youtube.com/watch?v=W2o01Ni9Rms&list=PL02NhKT84RvXuW8qhREsxa4DvK3iTsVEY
ازاى ادخل امتحان تجريبى من جهازى ؟
اولا : انت اول ما بتحجز فى اى مركز معتمد وتأكد الحجز بيوصلك فى الحال رسالة على موبايلك فيها يوزر نيم وباسورد بتقدر تدخل تمتحن اختبارات تجريبية من جهازك فى البيت ولازم يكون فيه نت فى جهازك دا ومينفعش من الموبايل لازم كمبيوتر او لاب توب ، بيكون معاك فى اليوزر ده 20 ساعة تقدر تستخدمهم زى ما انت عاوز على جميع الامتحانات بتاعتك ، يعنى ممكن تخلصهم على مادة واحدة بس فعشان كدا عاوزك توزع ال 20 ساعة على جميع المواد بتاعتك .
ازاى اظبط اعدادات التجريبى على جهازى :
اولا : لازم تفتح من برنامج انترنت اكسبلولر مش من جوجل كروم او اى برنامج تانى وتدخل على اللينك دا 👇
http://www.litmuslink.com/primereg/public/loginar.aspx
ثانيا : اول ما تدخل على اللينك اللى فوق هيطلب منك اليوزر والباسورد اللى خدتهم من الشركة واللى وصلوا على موبايلك هتدخلهم ولازم تظبط المتصفح عندك زى الفيديو ده اللى تحت 👇 بالظبط وتمشى معاه خطوة خطوة وبعد ما تخلص تعمل اعادة تشغيل لجهازك
https://www.youtube.com/watch?v=c-lKJwozQnk&t=14s
ثالثا : الوقت هيمر حتى لو فاتح الموقع ومش بتمتحن فخد بالك من النقطة دى واوعى تنسى الموقع شغال
رابعا: وانت بتعمل الاعدادت لو ظهرلك رسالة مكتوب فيها netfarmework 4 فده برنامج لازم يكون موجود فى جهازك فلازم تنزله من اللينك دا 👇لكن لو مطلبش منك البرنامج فخلاص هو اصلا كان موجود فى جهازك
https://www.mutaz.site/p/?548ed7
خامسا : لو مشتغلش بعد الاعددات كلها متنساش تدخل لوحة التحكم من الاعدادت وتخلى اللغة عربى زى الفيديو بتاع الاعدادات
مستنى دعوتك 💙
هل الأفضل واجهة عربى ولا واجهة انجليزى وازاى اغير الواجهة الخاصة بجهازى ؟
بص يا صديقى المواد العملى زى أساسيات الحاسب الالى ( الويندوز ) واساسيات الانترنت وبرامج الاوفيس (ورد - باور - اكسل ) فى منها 3 أنواع :-
1- عربى واجهة عربى
وهنا بيكون السؤال عربى وقوايم البرنامج كمان عربى يعنى كل حاجة عربى يعنى تفتح برنامج الورد تلاقيه كدا 👇
وانصحك بالنوع دا لو انت كويس نسيبا فى اللغة ومتعود تشتغل على البرامج انجلش
3- انجليزى واجهة انجليزى
وهنا بيكون السؤال انجليزى وقوايم البرنامج كمان انجليزى زى النوع اللى فوق بس الاختلاف ان كل حاجة انجليزى سؤال و واجهة بس النوع ده عاوز حد شاطر جدا فى اللغة عشان المواد النظرية هتكون صعبة شوية بالانجلش .
ملاحظات هامة :-
1- مش شرط تمتحن كل المواد عربى او كل المواد انجلش براحتك عادى بيتكتب اصلا جنب كل مادة انت خدتها بلغة ايه عربى ولا انجليزى
2- لو امتحنت النوع التانى اللى هو السؤال عربى واجهة انجلش هيتكتب جنب المادة انك امتحنتها عربى بردو مش انجليزى
3- مش هتفرق الشهادة انك خدتها عربى او انجليزى فى حاجة خد الاسهل ليك وخلاص
4- انت بتعرف صاحب المركز اللى بتمتحن فيه انت عاوز تدخل انهى نوع قبل ماتروح تمتحن وجميع المراكز فيها جميع الانواع لا تقلق
5- أنا منزل عندى على القناة شرح النوع الاول والتانى ممكن تتفرج على مثال من هنا ومن هنا وتشوف الانسب والاسهل ليك لكن النوع التالت اللى كله انجلش لسه هبدأ اسجل فيه قريبا جدا ان شاء الله
6- لو عندك البرنامج او الويندوز فى جهازك بيفتح الواجهة انجليزى وعاوز تحوله عربى اتفرج على الفيديو دا 👇
https://www.youtube.com/watch?v=LPXuqzLX9yQ
مستنى دعوتك :) 💙
تكنولوجيا المعلومات والاتصالات فى التعليم
تانى مادة عاوزك تبدأ بيها بعد التعاون هى مادة أغلبها نظرى وفيها جزء بسيط عملى والامتحان بتاعها 36 سؤال فى 45 دقيقة حوالى 28 سؤال نظرى و6 عملى وان شاء الله مش هيخرج سؤال من على القناة ومن الفيديوهات اللى هقولك عليها وطريقة مذاكرتها و بتاخد مذاكرة حوالى 8 ساعات ان شاء الله اوفضى كدا يومين ليها بس واهم حاجة تفهم مش تحفظ !
ازاكرها ازاى :-
اولا : ده شرح النظرى كله وان شاء الله مش هيخرج منه الامتحان 👇
الجزء الأول 👇
https://www.youtube.com/watch?v=iKDJzH3KPhs&t=187s
الجزء الثاني👇
https://www.youtube.com/watch?v=adtI4RS0JAY&list=PL02NhKT84RvU7sa7rnHlt_l0uWsHcbVRP&index=2
وده لينك pdf بتاعه كمان 👇
ثانيا : ده شرح العملى ومش هيخرج منه الامتحان ان شاء الله 👇
https://www.youtube.com/watch?v=CPZqz2bZfG4&list=PL02NhKT84RvVhWh-fe82hLag-_5UWgJDB&index=6
بعد ما زاكرت اللى فوق ده👆 بص على الاسئلة اللى جاية دى صدقنى مش هيخرج منها سؤال
3 فيديوهات :-
اول فيديو 100 سؤال 👇
https://www.youtube.com/watch?v=D2jMWG0H4mg&list=PL02NhKT84RvU7sa7rnHlt_l0uWsHcbVRP&index=4
تانى فيديو30سؤال 👇
https://www.youtube.com/watch?v=aRp6UO59ZSw&list=PL02NhKT84RvU7sa7rnHlt_l0uWsHcbVRP&index=6
تالت فيديو 12 سؤال كان منهم محلولين غلط فى فيديو ال 100 سؤال وبعد التأكد من الحل نزلتهم فى فيديو مستقل 👇
https://www.youtube.com/watch?v=aRp6UO59ZSw&list=PL02NhKT84RvU7sa7rnHlt_l0uWsHcbVRP&index=6
زاكرت خلاص الشرح والاسئلة ناقص تدخل تمتحن بنفسك عشان كدا عملتلك الامتحان دا تقدر تفتحه عادى من الكمبيوتر او حتى الموبايل بتاعك واول ما تخلص هيقولك نتيجتك ايه ، ادخل كتير لحد ما تجيب 100 وده اللينك 👇
https://docs.google.com/forms/d/e/1FAIpQLSceGGd6QTq5ZgLsXEhQUg0Eiv9ncv89xaKFh7wlg067U4M-qQ/viewform
طيب لو انت موسوس وعاوز بردو كتاب المادة كامل تزاكره وتقرأه كويس ده اللينك بتاعه 👇
https://drive.google.com/file/d/1YKRWsGx2n90M-p_uAuBZTStAlPM2Q1Ep/view
ان شاء الله لو زاكرت كل اللى فوق ده كويس جدا مش هتقل فى الامتحان عن 97% وهتخرج تدعيلي بعد الامتحان وانت خارج متنساش تقول للمركز انك هتحجز المادة اللى جاية أساسيات الحاسب الالى اللى هنزلك مقالة عنها بالتفصيل ،،، مستنى دعوتك :) 💙
التعاون عبر الانترنت
واحيانا تسمى المشاركة عبر الانترنت (ONLINE COLLABORATION)أسهل مادة ممكن تبدأ بيها امتحانات ال ICDL TEACHR وهى مادة نصها عملى ونصها نظرى ، الامتحان بتاعها عبارة عن 36 سؤال حوالى 18 عملى و18 نظرى .
بتاخد مذاكرة حوالى 3 ساعات ان شاء الله اوفضى كدا يوم ليها بس واهم حاجة تفهم مش تحفظ !
ازاكرها ازاى :-
اولا : ده شرح العملى كله وان شاء الله مش هيخرج منه الامتحان 👇
https://www.youtube.com/watch?v=iKDJzH3KPhs&t=187s
وده لينك pdf بتاعه كمان 👇
ثانيا : ده شرح النظرى ومش هيخرج منه الامتحان ان شاء الله 👇
https://www.youtube.com/watch?v=9YaPQtvMaCQ
وده لينك ال pdf بتاعه لينك ال 55 سؤال اللى مش هيخرج منهم الجزء النظرى 👇
خلصت مزاكرة خلاص فاضل تدخل تمتحن بنفسك وتشوف نتيجتك ايه ، ده امتحان تقدر تفتحه من موبايلك او كمبيوتر على الجزء النظرى والنتيجة هتطلع فى الاخر 👇
ان شاء الله لو زاكرت كل اللى فوق ده كويس جدا مش هتقل فى الامتحان عن 97% وهتخرج تدعيلي بعد الامتحان وانت خارج متنساش تقول للمركز انك هتحجز المادة اللى جاية مادة تكنولوجيا المعلومات فى التعليم اللى هنزلك مقالة عنها بالتفصيل ،،، مستنى دعوتك :) 💙
